Далучыліся да рэспубліканскай хвіліны маўчання

Кожны сапраўдны грамадзянін павінен ведаць сваю гісторыю,
традыцыі свайго народа, шанаваць памяць тых, дзякуючы каму мы зараз
шчасліва жывем пад мірным небам. І пачынаць выхоўваць першыя пачуцці
патрыятызму ў сваіх дзяцей трэба ў дашкольным узросце. Яркія ўражанні,
атрыманыя ў дзяцінстве, нярэдка застаюцца ў памяці чалавека на ўсё жыццё і
фармуюць у дзіцяці такія рысы характару, якія дапамогуць яму стаць
патрыётам і грамадзянінам сваёй краіны.
Няглдзячы на невялікі ўзрост, дзеці добра разумеюць значнасць падзей
і мерапрыемстваў. Таму падчас мітынгу-рэквіема ў Дзень памяці і смутку
–дзень пачатку Вялікай Айчыннай вайны – уважліва слухалі выхаванцы
ДУА “Яслі-сад г.п.Мір” словы намесніка загадчыка па асноўнай дзейнасці
Петрыман С.В. пра страшэнную і жахлівую навалу – вайну, слухалі вершы-
заклікі да міру сваіх таварышаў. У поўнай цішыні пад стук метранома
прайшла хвіліна маўчання ў гонар усіх загінуўшых у баях, закатаваных у
фашысцкай няволі, памерлых у тыле ад голаду і нягод, у гонар тых, хто
цаной свайго жыцця выканаў святы абавязак, абараняючы ў тыя суровыя
гады сваю Айчыну.
Напярэдадні Дня памяці і смутку выхаванцы сярэдняга ўзросту
наведалі адно з месцаў памяці, звязаных з Другой сусветнай вайной, якім
з'яўляецца магіла ахвяр Халакоста на вул.Кастрычніцкая г.п.Мір. На гэтым
месцы ў лістападзе 1941 г. гітлераўцы і паліцаі замучылі і расстралялі больш
за 700 жыхароў-габрэяў. Да ўстаноўленага абеліска выхаванцы паклалі кветкі
і ўшанавалі хвілінай маўчання памяць бязвінных ахвяр страшнай вайны.
Трэбы ўсім разам захоўваць гістарычную памяць, памятаць і
ўшаноўваць мінулае дзеля будучыні! Вялікае заўсёды пачынаецца з
маленькага!

Святлана ПЕТРЫМАН,
намеснік загадчыка
па асноўнай дзейнасці
ДУА “Яслі-сад г.п. Мір”
Карэлічскага р-на, Гродзенскай вобл.