Летні выхаваўча­-аздараўленчы лагер з такой цудоўнай назвай, які дзейнічаў у Паляцкішскай базавай школе Воранаўскага раёна, сёлета прыняў 10 выхаванцаў ва ўзросце 10—13 гадоў.

Уся дзейнасць дзіцячага калектыву была арганізавана ў адпаведнасці з планам выхаваўчай работы, рэалізацыя якога адбывалася пад кіраўніцтвам педагога Алены Зыгмундаўны Пажарыцкай. Выхавальнікі Марыя Уладзіміраўна Балінская, Аляксандр Мар’янавіч Васько, Тэрэса Станіславаўна Дзюк ладзілі для дзяцей цікавыя мерапрыем­ствы. Кожны дзень лагера быў тэматычны: “Дзень добры, “ЛетаГрад”, “Дзень талентаў”, “Дзень экалогіі”, “Кола гісторыі”, “Сімвалы Беларусі”, “Спорт і здароўе”, “Свет прафесій”.

Дзень у лагеры “ЛетаГрад” пачынаўся з лінейкі, ранішняй гімнастыкі, хвілінкі здароўя, што дапамагала стварыць станоўчы эмацыянальны зарад на ўвесь дзень.

На пачатку лагернай змены дзеці працавалі над міні-праектам “Дом, у якім мы жывём”. Цікава прайшоў Дзень экалогіі. Захапляльнай была квест-гульня “Прыгажосць нашай прыроды”. З задавальненнем працавалі выхаванцы ў творчай майстэрні “Зрабі сам”, дзе выраблялі кветкавае пано.

Спадабалася дзецям экскурсія на хлебапякарню гарадскога пасёлка Воранава, дзе ўдзельнікі лагера ўбачылі, як адбываецца “нараджэнне” хлеба і хлебабулачных вырабаў, пачаставаліся свежавыпечанымі румянымі булачкамі.

Пабывалі ў Воранаўскім раённым доме рамёс­тваў, азнаёміліся з работамі народных умельцаў, прадстаўленымі на выставе, прынялі ўдзел у майстар-класе “Беларуская выцінанка”.

Праведзены спартыўныя спаборніцтвы, гульнявая праграма “Дзіцячыя забавы”, рухавыя гульні на свежым паветры, якія прапагандавалі здаровы лад жыцця. Падчас лагернай змены ўдзялялася ўвага прафілактыцы шкодных звычак і правапарушэнняў, мерам бяспечных паво­дзін у надзвычайнай сітуацыі.

Напрыканцы кожнага дня дзеці давалі ацэнку асабістым дасягненням у розных сферах дзейнасці — творчасць, інтэлект, спорт, праца, этыкет, удзел у жыцці лагера. Педагогі вельмі пастараліся, каб адпачынак стаў для дзяцей цікавым і карысным.

Источник: https://nastgaz.by