РУС БЕЛ ENG 中文

Вучымся размаўляць правільна

04.05.2021

 

Вольга  Мікалаеўна  Калала,

настаўнік-дэфектолаг дашкольнага цэнтра развіцця дзіцяці г.п. Карэлічы

 

"Адукацыйны працэс ў спецыяльнай групе для дзецей з цяжкімі парушэннямі мовы (ад 4 да 5 гадоў) носіць карэкцыйную накіраванасць і арганізуецца з улікам структуры парушэнняў, узроста выхаванцаў і  асаблівасцей беларускай мовы. Для педагогаў групы галоўная задача - фарміраванне правільнай  мовы дзяцей  як сродка зносін.

Для дасягнення  поспеху ў такой групе неабходна  стварыць спрыяльныя  умовы  для правядзення карэкцыйнай работы.  Дзеці хочуць гуляць! Таму  у сваёй практычнай дзейнасці ажыццяўляю   работу па выпраўленню гукавымаўлення   праз дыдактычныя гульні, якія падбіраю да кожнай лексічнай  тэмы тыдня. Так, напрыклад, па тэме “Транспарт”  падрыхтавала для індывідуальных і падгрупавых заняткаў  такія гульні, як “Вясёлы цягнічок”, “Палічы машыны”, “Хто сядзіць у машыне?”(з ліхтарыкам), “Што вязе самалёт?”, “Гукавыя дарожкі з каменчыкамі Марблс”.  Гэтыя гульні накіраваны на замацаванне правільнага  вымаўлення гукаў, развіццё  умення вызначаць наяўнасць гукаў у словах, удасканальванне  умення будаваць сказы па малюнках, замацоўванне  умення дапасоўваць назоўнік да лічэбніка і павелічэнне  аб’ёму маўленчага матэрыялу.

На кожную лексічную тэму  ў групе падабраны картатэкі фізкультхвілінак, пальчыкавай гімнастыкі, гімнастыкі для вачэй, якія выкарыстоўваюцца мной і педагогамі групы  на працягу тыдня.

У рамках вывучэння  кожнай тэмы вызначаю слоўнікавы мінімум з улікам моўных магчымасцей дзяцей, які дзецям неабходна ведаць і умець практычна ўжываць. Моўная практыка  замацоўваецца выхавацелямі дашкольнай адукацыі  ў нерэгламентаванай  дзейнасці.

Для гэтага малюнкі з выявамі  па лексічнай тэме вывешваюцца на стэнд “Вучым словы”, на дзверках шафаў у раздявалках і элементы дэкору сцен у групе. Выхавацелямі дашкольнай адукацыі слоўнікавы мінімум замацоўваецца на працягу дня ў розныя рэжымныя моманты.

Практыка паказвае, што сумесная праца педагогаў групы па адной лексічнай тэме  тыдня  вырашае адразу  некалькі карэкцыйных задач: аўтаматызацыя і дыферэнцыяцыя гукаў, работа над граматычным складам  мовы, развіццём звязнага маўлення, трэніроўка слыхавай і зрокавай памяці.   Усё гэта выклікае у дзяцей станоўчыя эмоцыі, якія актывізуюць  адукацыйную дзейнасць, дапамагаюць узбудзіць цікавасць да заняткаў і дапамагаюць дзецям навучыцца  размаўляць правільна".

Фотогалерея: