Дзве мовы родныя мне змалку…
05.03.2025
У Казлоўшчынскай сярэдняй школепрайшоў Тыдзень філалогіі. Кожны новы дзень быў тэматычны і насычаны рознымі мерапрыемствамі.
Ужо зранку пад гукі народных песень дзяўчынкі Васілінкі загадвалі загадкі, прапаноўвалі “Куфэрак з пажаданнямі”, частавалі салодкімі сюрпрызамі. З першага дня можна было пазнаёміцца з выставай “Пісьменнікам-юбілярам 2025 года прысвячаецца”, а таксама зрабіць памятныя здымкі ўфотазоне.
Напрыклад, дзень “Прызнаемся слову ў любві” прайшоў пад дэвізам “Мы за тое, каб кожны беларус ведаў свае дзяржаўныя мовы”. Настаўнікі і вучні прынялі актыўны ўдзел у акцыі “Далучы далонь”.
У музеі “Скарбонка продкаў нашых” гучалі вершыбеларускіх і рускіх паэтаў-класікаў.Батл “Я ведаю!” сабраў каманды “Аз” і “Букі”, якія перакладалі словы і выразы с рускай мовы на беларускую.
У дзень “Збяры Беларусь у сваім сэрцы” вучні прынялі ўдзел у гульні-віктарыне “Пагавары са мной на роднай мове”, у час якой змаглі ўзбагаціцьсвой слоўнікавы запас, актывізаваць маўленчую дзейнасць.
Гульня “Грамматический бой” запрасіла навучэнцаў у запамінальнае падарожжа, прапанавала магчымасць паказаць сябе знаўцамі рускай мовы. Вучні даказалі, што навучанне можа быць цікавым і займальным. Конкурсы і заданні гульні дазволілі камандам паказаць свае ўменні і спрыт.
У лінгвістычным кафэ “Мова.BY” шэф-пофар прапанаваў удзельнікам меню з разнастайнымі стравамі:пакаштавацьслоўнікавую нарэзку, лексічны вінегрэт, рулет “Марфалагічная вясёлка”, зацірку “Лінгвістычны крос”, калдуны “Фразеалагічны калейдаскоп”, на дэсерт – наліснікі “Незабудка” з загадкавай начынкай.
На працягу тыдня вучні школы таксама прымалі ўдзел у разгадванні рэбусаў, конкурсе загадак,перакладчыкаў і іншых.
А яшчэ нельга было прайсці міма выставы малюнкаў, прысвечаных нашай роднай Беларусі.
Завяршыўся Тыдзень “Дзве мовы родныя мне змалку” фальклорным днём. На перапынках вучні разам з педагогамі гулялі ў народныя гульні, у “Горадзе майстроў”пашыралі веды пра традыцыйныя беларускія рамёствы. Пераможцы атрымалі сертыфікаты “Дзясятка па літаратуры”.
Источник: https://diatlovonews.by
