Другі рабочы дзень прэс-туру прадстаўнікоў Выдавецкага дома "Педагагічная прэса" па Гродзеншчыне

Другі рабочы дзень прэс-туру па Гродзеншчыне пачаўся ў аздараўленчым лагеры "Сузор'е" ў Парэччы

Дырэктар лагера Ала Кіўляк расказала, што бягучая змена называецца "Спорт Фэст" і накіравана на папулярызацыю спорту і фізкультуры сярод выхаванцаў. У гэтым важатым дапамагаюць спартыўныя інструктары — настаўнікі фізкультуры і студэнты Гродзенскага дзяржаўнага ўніверсітэта імя Янкі Купалы, якія атрымліваюць адпаведную спецыяльнасць.

Сенсорны пакой, які створаны ў "Сузор'і", прэзентавала педагог-псіхолаг Ірына Ганчар. У ім пры дапамозе шматлікіх тэхнік дзецям дапамагаюць стабілізаваць псіхалагічны і эмацыянальны стан, зняць напружанне.

У Азёрскай сярэдняй школе намеснік дырэктара па вучэбнай рабоце Наталля Рэкець прадставіла дзейнасць міні-пакоя бяспекі і кабінета робататэхнікі. Тут дзеці займаюцца канструяваннем і вывучаюць асновы праграмавання.

Пра свае творчыя пляцоўкі і ўдзел у раённым праекце "Летняя імперыя" расказалі ў Гродзенскім раённым цэнтры творчасці дзяцей і моладзі. Намеснік дырэктара па вучэбна-метадычнай рабоце Галіна Кузьміцкая паведаміла, што ў цэнтры на працягу года вядзецца работа па шматлікіх кірунках, а педагогі ўстановы ўвесь час прыдумваюць новыя метады і формы работы з навучэнцамі.

Завяршыўся прэс-тур сустрэчай намесніка дырэктара па развіцці Людмілы Пастарнакевіч з намеснікам начальніка ўпраўлення адукацыі Гродзенскага райвыканкама Аленай Сянько. Падчас дыялогу былі падведзены вынікі наведвання ўстаноў адукацыі Гродзенскага раёна і акрэслены перспектывы далейшага супрацоўніцтва з "Педагагічнай прэсай".

Источник: https://t.me/nastgaz